Culinary Obsession

شوربة العدس

2009-04-06T19:48:00.002+02:00

شوربة العدس من الشوربات التقليدية المصرية و حاجة من الحاجات اللى محدش علمهالى . بالتجربة و الخطأ وصلت للطريقة دى و كل اللى يدوقها يحبها جدًا

المقادير
كيس عدس أصفر - 1/2 كجم
بصلة متوسطة
طمطماية كبيرة
جزرة كبيرة
ثوم ( حوالى رأس صغيرة أو نص رأس كبيرة ) على حسب بتحبوا الثوم قد إيه
شوربة لحم
ملح و فلفل إسود و كسبرة ناشفة و حبهان و مستكة
ملعقة كبيرة صلصة أو ملعقة و نصف
مكعب مرقة دجاج

الطريقة
يغسل العدس جيدًا بالماء البارد ثم ننقعه حوالى ساعة فى ماء دافئ
نحط شوربة اللحم فى الحلة لحد لما تغلى و لو مش عايزين تعملوه بالشوربة ممكن بالماء فقط . بعد لما تغلى نضيف البصل و الجزر و الطماطم و فصوص الثوم . كله مقطع و نتبل بالملح و الفلفل على حسب الطعم . و نهدى النار لحد لما العدس يستوى
بعد ما يستوى العدس نخلطه بالخضروات اللى فيه فى الخلاط .
و ندق شوية ثوم مع كسبرة ناشفة و فى الحلة نحط معلقة سمن و فصين مستكة و بعدين نشوح فيهم الثوم و قبل ما لونه يغمق نضيف الصلصة و مكعب المرقة و نضيف على الخليط ده العدس المطحون فى الخلاط .
نقلب كويس و بعدين نزود ماء إلى أن نصل لقوام الشوربة المطلوب بس هو المفروض مايكونش خفيف
ممكن نحمص مكعبات عيش فينو و نقدمها معاه

ملحوظة ، مع كل مرحلة ندوق علشان نضبط الملح و التوابل

سلاطات متنوعة

2009-03-04T00:40:00.001+02:00

سلاطة بابا غنوج
المقادير
1 – باذنجانة متوسطة الحجم
2 – عصير 2 ليمونة
3 – ملعقة كبيرة فلفل مفروم – أو شطة ناشفة حسب الرغبة فى حالة عدم وجدود الفلفل أو الإثنين لو بتحبوا الأكل حامى
4 – ثوم مفروم حوالى نصف رأس متوسطة
5 – أربعة ملاعق كبيرة طحينة
6 – بقدونس للتجميل
7 – ملح و كمون حسب التذوق

الطريقة
نغسل الباذنجان و نسيب فيه الحته الخضراء اللى فوق علشان نمسكه منها و على عين البوتاجاز الصغيرة . نشوى الباذنجانة من جميع الإتجاهات
بعد ما تستوى نسبها تبرد شوية فى طبق و بعدين نقشرها
ممكن نهرس الباذنجان بالشوكة بس الأحسن إننا نفرمها فى الماكينة . يعنى الكبة أو الكيتشن ماشين أو أى مفرمة يدوية علشان يطلع متجانس
بعدين نضيف الفلفل المفروم و الملح و ربع معلقة صغيرة كمون و الطحينة و عصير الليمون و نقلب كله على بعض. و ندوق و نضبط الطعم و تجمل بورقة بقدونس و تقدم

==================================================

سلاطة البطاطس

بطاطس مسلوقة و مقطعة مكعبات
زيت زيتون + ملح + فلفل + عصير ليمون
بقدونس مقطع
يخلط الزيت و الليمون و عصير الليمون و الملح و الفلفل ثم يضافوا إلى البطاطس و البقدونس . تقلب و تقدم بعد ساعتان أو تترك فى الثلاجة لتانى يوم .

==================================================
==================================================

سلاطة الفاصوليا البيضاء
المقادير :
كوب فاصوليا بيضاء – تغسل بماء بارد ثم تنقع فى ماء دافئ و نستخدمها اليوم التالى
بصلة حمراء متوسطة
عصير ليمونتين
ثلث كوب زيت زيتون أو زيت ذرة حسب الرغبة
ملح و فلفل إسود

الطريقة
تسلق الفاصوليا فى ماء و ملح حتى تنضج
يخلط الزين و الليمون و الفلفل الأسود
يقطع البصل حلقات رفيعة و تضاف الفاصوليا ثم يتبل الخليط بخلطة الزيت

==================================================
==================================================

سلاطة الزبادى
المكونات
ثوم ، خيار ، نعناع ، ملح ، زبادى
الطريقة
يبشر الخيار ، ممكن نقشره بس الأحسن نبشره بقشره
نضيف الزبادى و الثوم للخيار المبشور و نتبله بالملح حسب التذوق
تجمل بالنعناع

Tips & Tricks - 1

2008-11-02T13:17:00.002+02:00

فى حاجات صغيرة كدة بتعمل فرق و تجديد ، كل لما أفتكر حاجة إن شاء الله هاكتبها

ممكن تغيرى طعم البانيه بإضافة حبة البركة على البقسماط و ممكن إضافة أى توابل تانية على حسب المزاج

محشى الباذنجان و الكوسة ممكن نسويه بطماطم بيطلع طعمه أحلى كثير

عبارة عن بصل مفروم نقلبه فى سمنة لحد ما يبقى شفاف و نحط عليه عصير الطماطم لحد ما يتسبك . طبعًأ نضيف التوابل اللى نحبها و بعدين نسوى فى الصلصة دى المحشى

أنا بحط خليط الطماطم ده فى خلطة المحشى كمان بس بزود على الخلطة نعناع بيدى طعم حلو فوق الوصف

محشى ورق العنب ممكن نسويه بالصوص اللى كان فى وصفة العرق الرستو ، الصوص ده عبارة عن خلاصة اللحمة مع الطماطم و الثوم و اليمون و البهارات فتخيلوا بقى قد إيه المحشى هايبقى طعمه حلو

سلطة بطاطس

2008-11-02T13:14:00.004+02:00

المقادير

بطاطس

ثوم - فلفل أخضر - كمون - ليمون - طماطم - خل - نعناع

الطريقة

تسلق البطاطس و تقطع مكعبات

الصوص

يفرم الثوم و الفلفل الأخضر و الطماطم

نضيف الملح و الكمون والنعناع عصير الليمون و نقطة خل

تتبل البطاطس بالصوص و تقلب

تقدم دافئة أو باردة

ممكن كمان طريقة

تسلق البطاطس و تقطع مكعبات و صلصة التقديم عبارة عن صوص فرنسى (ملح ، فلفل إسود ، زيت زيتون ،عصير ليمون ) مع بقدونس

أو نفس الصوص و البقدونس و نضيف معاهم ثوم مفروم و شطة

و ممكن التتبيلة تكون فيها كمون و ممكن التنويع فى نوع الخضرة المضافة للبطاطس حسب الرغبة

صنية بطاطس بالفراخ

2008-11-02T13:03:00.002+02:00

طريقة سهلة و لذيذة و مختلفة عن الطريقة التقليدية اللى بنسلق فيها الفراخ

المقادير

بطاطس حسب عدد الأفراد ، يعنى لكل فرد تقريبا 1.5 بطاطساية

فراخ - على حسب الكمية

بصل مفروم - طماطم مفرومة

ملح - فلفل - بهارات - فصين حبهان - ورقة لورا - رشة زعتر - عصير ليمون

الطريقة

تتبل الفراخ بالبصل و التوابل لمدة ساعتين على الأقل كأننا هانشويها و ممكن من بليل و ممكن لما تجيبوا الفراخ تغسلوها و تتبلوها و تشيلوها متبلة فى الفريزر لحين الإستعمال

تقشر البطاطس و تقطع شرائح

فى طبق الفرن نرص البطاطس و نرش فوقها الطماطم الفرومة أو عصير الطماطم و بعدين نحط الفراخ بالبصل بتاعها و نرش فوقها باقى الطماطم المفرومة أو العصير

و نلفها بالفويل ة نحطها فى الفرن حوالى ساعة و بعدين نفتح الغطاء و نسيبها نص ساعة بالكثير و ممكن بعد كده لو ماحمتش أوى نفتح عليها الشواية دقيقتين

و بالهنا و الشفا

الصلصة البيضاء - البشامل

2008-11-02T12:51:00.002+02:00

بناءًا على طلب الجماهير دى طريق عمل البشامل ، طبعًا زى الإعلان ما بيقول البشامل ده له ناسه :) يعنى طبعًا لو مالكومش خلق تقلبوا و تصبروا و تفشلوا علشان توصلوا للنجاح من الممكن دائمًا شراء الأكياس الجاهزة مع خالص الشكر للتكنولجيا اللى بتوفر الوقت و المجهود

المقادير :

طبعًا المقادير تختلف على حسب السمك ، يعنى الصلصة البيضاء عبارة عن دقيق و سمنة و لبن . السمنة تكون نفس مقدار الدقيق علشان المفروض يكون سايح فيها و بعدين نضيف اللبن بعد تحمير الدقيق خفيف فى السمنة و على قد ما هنحط دقيق على قد ما الخليط هايطلع سميك

يعنى معلقتين الدقيق معاهم معلقتين سمنة تقريباً و ياخدوا كوباية لبن كبيرة و لو تقيل ممكن نزود لبن

لو هانستخدم البشامل على وش صنية بنضيف بيضة علشان دى اللى بتحمر الوش . الملح و الفلفل يضافوا حسب الرغبة لإن البشامل ممكن يستخدم فى الحلويات زى صنية القرع العسلى

المهم المقادير الأساسية

كوب دقيق

كوب سمن

كيلو لبن

الطريقة

يحمر الدقيق فى السمن ثم يضاف اللبن مع التقليب المستمر لحد لما نوصل للقوام المطلوب

فى طريقة أسهل للبشامل ، ندوب الدقيق فى اللبن على البارد و بعدين نرفعهم على النار لحد ما يتقلوا و بعدين و نحط معلقة سمنة و نقلب علشان تدى طعم . ممكن نقلل مقدار السمنة فى الطريقة العادية بس أهم حاجة إن حبات الدقيق تتغطى بالسمن و تتحمر . كله بيجى بالتجربة و الخطأ

حظ سعيد

عرق اللحمة روستو

2008-10-11T11:21:00.003+02:00

المقادير

عرق لحمة

ثوم مفروم - حوالى رأس ثوم صغيرة ، كل ما نكثر الثوم كل لما يكون أحسن

بهارات

ملح و فلفل إسود

كوباية كبيرة عصير طماطم

عصير 5 ليمونات

ملعقة كبيرة سمنة

الطريقة

يلف العرق بالدوبارة

يهرس الثوم مع البهارات و الملح و الفلفل

نعمل فتحات فى عرق اللحمة و نحشيها بخلطو الثوم

ثم ندهن باقى الخليط على اللحم من الخارج

نحطها فى بايركس و نسقيها بعصير الطماطم و الليمون و نحط معاها معلقة السمن

و نغطيها و نسويها فى الفرن

تقدم مع أرز ، أبيض أو بالخلطة و خضار سوتيه

أرز بالخلطة

2008-09-24T12:18:00.000+02:00

المقادير
2 كوب أرز
2 ملعقة كبيرة سكر
2 ملعقة سمن أو زبدة
ملعقة صغيرة قرفة
شوربة + ماء للتسوية
ملح حسب التذوق
لوز مسلوق و مقشر و مقطع أنصاف
زبيب

الطريقة
يوضع السكر على النار مع ملعقة ماء حتى يتحول إلى كراميل
يرفع من على النار و تضاف السمنة و الأرز و الملح و يعاد إلى النار و يقلب
تضاف القرفة و الشوربة و الماء و يقلب و يترك لينضج على نار هادئة
تحمر أنصاف اللوز ثم يضاف الزبيب و يحمر
يقدم الأرز يرش على الوش الخلطة

الكانيلونى

2008-09-10T12:26:00.002+02:00

المقادير

العجينة +
1.5 كوب دقيق
2 كوب لبن
3 بيضة
رشة ملح و فلفل

الحشو +
لحمة مفرومة
بصل مفرى
ملح و فلفل

للتسوية +
عصير طماطم
جبنة مبشورة حسب الرغبة

الطريقة
يضرب البيض مع الملح و الفلفل ثم يضاف اللبن و يضرب و يضاف الدقيق تدريجياً مع الخلط . العجينة غليظة نوعًا
فى طاسة ساخنة ، نحط نقطة زيت و ناخذ بالكبشة و نحمر العجينة زى الأومليت
تعصج اللحمة مع البصل و التوابل على نار هادئة .
تحشى الوحدات باللحم المفروم و ترص فى بيركس أو صينية و ترش بعصير الطماطم و الجبنة و تدخل الفرن من 15 – 20 دقيقة

إسباجيتى بكرات اللحم

2008-09-10T11:35:00.002+02:00

المقادير
كرات اللحم +
لحم مفروم
بصل مفروم
بقسماط
بيض
ملح ، فلفل ، جوز الطيب

الصلصة +
عصير طماطم
بصل مفروم
فصين ثوم
ملح ، فلفل ، زعتر ، رشة سكر
ملعقة صلصة

الطريقة

لعمل كرات اللحم : يخلط اللحم و البصل و التوابل و البقسماط و البيض ثم تكور كور بحجم عين الجمل ، تحمر فى سمن أو زيت من كل الإتجاهات

لعمل الصلصة : يحمر البصل مع الملح و الفلفل حتى يصبح شفاف ثم يضاف الثوم و يقلب . يضاف عصير الطماطم و الزعتر و رشة السكر و الصلصة و يترك حتى تتسبك ، بعد التسبيك تضاف كرات اللحم و نزود ماء لو إحتاجت . و تترك على نار هادئة حتى تمام النضج .
المكرونة : تسلق المكرونة و تصفى . و تقلب على النار فى زيت زيتون و فص ثوم .

تقدم المكرونة و فوقها صوص كرات اللحم و رشة جبنة حسب الرغبة

بسكويت بجوز الهند

2008-05-24T20:44:00.000+03:00

المقادير
3 كوب دقيق
1 كوب سكر بودرة
1 كوب جوز هند مبشور
1 كوب زبد جامد
3 بيضة
فانيليا
باكو بيكنيج بودر
رشة ملح

الطريقة
ينخل الدقيق رشة الملح و البيكينج بودر و السكر البودرة
يضاف جوز الهند و تقلب المكونات الجافة . تضاف الزبدة و يفرك الخليط الجاف مع الزبد بالأصابع حتى يمتزجوا . يضاف البيض و الفانيليا و يخلط المزيج حتى تتكون عجينة متماسكة لا تلتصق بالإناء على الرغم من إنها لزجة .
تترك العجينة لترتاح نصف ساعة . ثم تشكل دوائر صغيرة و ترص فى صاج مدهون زبدة . تدخل فرن حامى من 8 إلى 10 دقائق .

الباذنجان المخلل - 1

2008-05-21T12:47:00.000+03:00

واحد من أحب الأكلات المصرية إلى قلبى ، فى كذا طريقة للباذنجان المخلل ، دى واحدة من الطرق اللى بتخلينى مابطلش أكل . الحقيقة إنى لما بعمله بعيش عليه :) بعمله سندوتشات و باكله مع الرز و جنب كل نوع أكل ممكن تخيله

المقادير

باذنجان مقطع حلقات

ثوم مفروم

فلفل حامى مفروم

عصير ليمون

معلقة طماطم مفرومة

كسبرة خضراء مفرومة حسب الرغبة

ملح و فلفل

الطريقة

يقلى الباذنجان

يخلط الثوم و الفلفل و الطماطم و عصير الليمون و يتبل بالملح الفلفل حسب التذوق

يرص الباذنجان فى طبق و يرش بخليط الثوم

يقدم دافئ أو بارد

عجينة البيتزا

2008-05-15T01:02:00.000+03:00

المقادير

3 كوب دقيق

1/3 كوب زيت زيتون

1 ملعقة صغيرة ملح

ماء دافئ للعجن ، حوالى كوب حسب الإحتياج

الخميرة : 2 ملعقة صغيرة خميرة جافة ، ملعقة سكر ، 4/1 كوب ماء دافئ

الطريقة

تخلط الخميرة و السكر و تذوب فى الماء الدافئ

يخلط الدقيق المنخول و الملح ثم تضاف الخميرة و الزيت . تعجن المكونات بالطريقة البسيطة (يفرك الدقيق مع الزيت و الخميرة حتى يختلط بالأصابع )

يضاف الماء الدافئ شوية بشوية مع العجن حتى تتماسك العجينة فى كرة لا تلتسق بالإناء .

النتيجة عجينة مطاطة . ثم يرش سطح مسطه بالقليل من الدقيق ثم تكور العجينة نرش القليل من زيت الزيتون فى طبق عميق ثم نقلب كرة العجين فى الزيت بحيث يغطيها من كل ناحية . تغطى و تترك فى مكان دافئ حتى ترتفع .

تفرد فى صينية مدهونة زيت باليد ثم ترش بصوص البيتزا و الحشوة المفضلة .

تدخل فى فرن حامى لمدة 20 دقيقة .

طاجن االحمام بالفريك

2008-04-05T16:15:00.000+02:00

المقادير
حمام على حسب الرغبة
للحشو

فريك لكل حمامة حوالى ¾ كوب
بصل مفروم
ملح ، فلفل ، بهارات
للتسوية

فريك حوالى 1.5 كوب و ما يتبقى من الحشو
بصل مفروم
1 ملعقة كبيرة سمن
ملح ، فلفل ، بهارات
كوب عصير طماطم
ملعقتين ثوم مفروم
للتتبيل
بصل ، ملح ، فلفل ، بهارات ، ليمون
الطريقة
يغسل الحمام جيداً ثم يتبل بالبصل و الملح و الفلفل و البهارات و الليمون
يغسل الفريك جيداً و ينقع فى ماء دافئ لمدة نصف ساعة
لتجهيز الفريك :
يصفى الفريك من الماء و يوضع مع البصل و التوابل و السمن على نار هادئة مع التقليب حتى يصل لمرحلة نصف النضج .
يحشى الحمام بالفريك و يوضع باقى الفريك فى طاجن ثم يرص فوقه الحمام و يرش بعصير الطماطم و الثوم .
يغطى الطاجن بالفويل و يوضع فى الفرن حتى تمام النضج . يراعى إزالة الغطاء حوالى 10 دقائق قبل إغلاق الفرن حتى يحمر الوجه .

Ostrich Filets with Mushrooms

2008-03-10T10:06:00.000+02:00

Ingredients:
4 Ostriches filets
1 Medium onion finely chopped
1 cup of mushrooms sliced
Juice of 1 lemon
Salt, pepper, nutmeg
1 cup cream fresh
Vegetable oil

Directions:
Heat a couple of spoons of oil in a large pan. Season the Filets with salt, pepper and nutmeg on each side. Cook the filets on the pan till it gets golden brown. Remove the filets and in the same pan. Add the onions, stir till it becomes translucent. Deglaze the pan with the lemon juice. Add the mushrooms season with salt, pepper and nutmeg to taste. Return the filets to the pan. Add the cream fresh. Cook till the cream thickens. Serve with white rice.
Note: for those who love the taste of lemon you may add more lemon juice to your taste.

Potato Balls

2008-03-09T19:42:00.000+02:00

This is an easy recipe that could be done as a side dish or to use leftovers.

Ingredients:
Potatoes, boiled and mashed
Grated cheese, any kind
Minced meat, cooked with onions
Eggs, bread crumbs.

Directions:
Combine the mashed potatoes, the cheese and the meat then add beaten eggs. Roll as small balls then dust with bread crumbs. Deep fry then serve hot or warm.

Easy Shrimps

2008-02-28T12:09:00.000+02:00

Ingredients:
Shrimps, any size with or without shells (ingredients for 500 grams)
2 tablespoons finely chopped garlic
1 tablespoon finely chopped onions
1 tablespoon finely chopped chilies
1 tablespoon finely chopped tomatoes
Salt, pepper
Juice of 2 lemons
Olive oil
Parsley leaves and cilantro leaves to garnish.
Directions:
Preferably in a wok or a large pan, add 2 tablespoons of olive oil, then add the onions. Stir till it becomes translucent. Add the garlic, chilies and tomatoes. Stir the smells comes up. Add the shrimps, salt and pepper to taste and add the lemon juice. Keep stirring every couple of minutes it is cooked.
Served with white rice and it could go well with pasta too.

أرز بالسمك و الجمبرى

2008-02-28T11:54:00.000+02:00

المقادير
2 كوب أرز
قطع صغيرة من السمك
جمبرى صغير
1 طماطم مفرية
1 ملعقة صغيرة ثوم مفرى
1 بصلة كبيرة مفرومة
ملح ، فلفل
زيت زيتون أو نباتى
الطريقة
يحمر البصل حتى يصير بنى اللون نضيف ملعقة الثوم و السمك و الجمبرى . نقلب حتى تظهر ريحة الثوم . نضيف الطماطم و نقلب و نتركه على نار هادئة حتى تبدأ الطماطم بالنضج . نغسل الأرز و نضيفه نقلب جيداً ويغطى بالماء . يترك على نار هادئة حتى تمام النضج .

Fried Fish, Egyptian Way

2008-02-28T11:35:00.000+02:00

Ingredients:
Fish fillets
Crushed garlic
Chopped chilies
Lemon juice
Salt, pepper, and cumin
Flour, oil to deep fry
Directions:
Mix the garlic, chilies, and lemon juice. Add the cumin, salt and pepper to taste.
Marinate the fish fillets for at least 1 hour.
Cover the fillets with flour then deep fry them in oil.

الترايفل

2008-02-24T19:26:00.000+02:00

المقادير :
كيكة شوكولاتة
كومبوت كريز – أو أى نوع حسب الرغبة
كاسترد
شوكولاتة – نسيحها فى حمام ماء
مربة فراولة – إختيارى
كريم شانتى للتقديم

الطريقة
تقطع الكيكة مربعات و نعمل المربعات سندوتشات مربى
فى بيركس عميق ، نرص طبقات من سندوتشات الكيكة ، ثم نسقى الكيكة بماء الكومبوت.
نرص طبقة من الكومبوت فوق طبقة الكيكه . ثم نخلط الشوكولاتة السايحة مع الكاسترد و نضيفهم فوق الفواكة . تدخل الثلاجة حتى يجمد الكاستر . عند التقديم . تغطى بطبقة من الكريم شانتى و ترش ببرش الشيكولاتة و الفواكة .

أرز باللحمة المفرومة و الخضار

2008-02-24T19:25:00.000+02:00

المقادير ( تقريبية )
2 كوب أرز بسمتى
300 جرام لحمة مفرومة
200 جرام خضار مشكل (بسلة + جزر)
بصلة متوسطة مفرية
كوب عصير طماطم
زيت نباتى / سمن
ملح ، فلفل ، جوز الطيب ، قرفة
مرقة أو ماء لتسوية الأرز
الطريقة
توضع البصلة المفرية مع اللحم المفروم و السمن أو الزيت على نار هادئة و تتبل بالملح م الفلفل و القرفة و جوز الطيب و تترك حتى تقارب النضج . ثم يضاف الخضار و يقلب مع اللحم لمدة ثلاث دقائق ، ثم تضاف كوب عصير الطماطم .
يترك الخليط على النار الهادئة لمدة 8 – 10 دقائق حتى تدخل الخضروات فى مرحلة النضج . يضاف الأرز البسمتى و يقلب . و تضاف المرقة أو الماء حتى يغطى الأرز . يترك على النار الهادئة حتى تمام النضج .

Rice Balls

2008-02-24T19:20:00.000+02:00

This is something that I invented to use rice leftovers :)
Ingredients:
Rice, cheddar cheese (grated), egg, cilantro (finely chopped), salt, pepper, nutmeg (to season).
Directions:
Simply mix all the ingredients together then form into balls. Fry in a deep fryer.
To be served hot.
P.S.
You can add any kind of cheese; replace cilantro with any kind of herbs.

Welcome

2008-02-24T18:42:00.000+02:00

Hello and welcome to culinary obsession.
I discovered that one of my few passions in life is to cook. I never wrote about it but I thought of why not. I will share my trials here, feedback will always be welcomed and I am ready to answer your questions.
Enjoy

P.S.
I will do my best to put exact recipes but I can’t promise that this will be the case every time as most of my cooking is based non-weighted amounts of ingredients.
Also, the recipes will be in both English and Arabic depending on the mood.