المقادير
3 كوب دقيق
1 كوب سكر بودرة
1 كوب جوز هند مبشور
1 كوب زبد جامد
3 بيضة
فانيليا
باكو بيكنيج بودر
رشة ملح
الطريقة
ينخل الدقيق رشة الملح و البيكينج بودر و السكر البودرة
يضاف جوز الهند و تقلب المكونات الجافة . تضاف الزبدة و يفرك الخليط الجاف مع الزبد بالأصابع حتى يمتزجوا . يضاف البيض و الفانيليا و يخلط المزيج حتى تتكون عجينة متماسكة لا تلتصق بالإناء على الرغم من إنها لزجة .
تترك العجينة لترتاح نصف ساعة . ثم تشكل دوائر صغيرة و ترص فى صاج مدهون زبدة . تدخل فرن حامى من 8 إلى 10 دقائق .
Saturday, May 24, 2008
بسكويت بجوز الهند
Subscribe to:
Post Comments (Atom)
8 comments:
فكرة المدونة دي يمكن تكون أنفع فكرة شفتها بجد
كنت بحب بسكوت جوز الهند جدا ووالدتي تتقنه بشكل لافت للنظر سوف أعرض عليها مقاديرك وأشوف الفرق وأتعلم انا في الآخر
الوصفات بالانجليزية صعبة شوية
تحياتي
L.G
منورانى فعلاً ، الفكرة يا ستى ترجع لبنت عمتى ، مسافرة و مالهاش فى الطبيخ فقالتلى ليه ماتحوطيش إختراعاتك فى بلوج
بس لما تعرفى السر بتاع مامتك قوليلى ، أصل أنا اللى بعوك لقيت مقادير فى أجندة بتاعة ماما الله يرحمها و عملت مكس بين طرقتين و طلعت دى :)
إسئلى مامتك بقى و قوليلى الطريقة إيه
أما الإنجليزى يا ستى نترجمه ، عينيا الإثنين ده حتى الطبيخ بالمصرى أحلى
شكرا شيماء..مدونة مفيدة جدا
بس جوعتينا :)
دمتي ..بود
أهلاً الميس
شكراً على التعليق و كده شجعتونى إنى أكتب باقى إختراعاتى الطبيخية
:) :)
أما عن موضوع الجوع ده ، نعمل مدونة مخصوصة للرجيم ، دى تجوعنا و ناكل و التانية تسد نفسنا
نورتينى
yaaah!
فرحونى يا بنات
دى تانى مدونة طبيخ مصرى ألاقيها وأفرح قوى
عشان برة مغرقنا بلوجات عن وصفات عجيبة .. نفسى فى أشياء من الواقع المصرى
متشكرة يا شيماء.. وح حاول أعمل البسكويت إن شاء الله
Lasto-adri يا هلا
أنا سعيدة جداً إنك مبسوطة بالمدونة و أوعدك باقى الوصفات المصرية فى الطريق إن شاء الله
نورتينى
ايه يا شيماء بطلتي تاكلي مفيش أكلات جديدة عايزة اللازنيا من فضلك
تحياتي
ال جي
بس مكسلة أدخل بالباس وورد
L.G
معلش كنت فى عمرة و لسة راجعة :) هو أنا برضو أبطل أكل أبدًا
اللزانيا فى السريع يا ستى
تجيبى باكت لازانيا من السوبر ماركت ، فى طرقتين ، طريقة تسلقى فيها الباكت زى المكرونة و طريقة تحطى فيها اللازنيا ناشفة ، إتأكدى بس من المكتوب على الباكت
تعملى بقى لحمة مفرومة ، تعصجيها مع البصل و التوابل و تحطى معاها عصير طماطم لما تتسبك
اللى بعملها اللى بتكون ناشفة برشلها شوية صلصة من اللحمة فى قعر البيركس الأول و بعدين ترصى راق من اللازانيا أهم حاجة ماتكونش فوق بعض ، رصيهم جنب بعض
و بعديت رشى لحمة و صلصة و إتوصى و جبنة لو حبيتى و بعدين راق لازانيا و بعدين لحمة ، المهم إن أخر طبقة تكون لحمة و صلصة و ترشى على الوش جبنة موتزارلا
هى الوصفى الأصلية فيها جبنة ريكوتا بس بصراحة مجربتهاش
هى هاتستوى بالصلصة اللى مع اللحمة
جربيها و إحكيلى
ممكن لما أفوق من السفر أدورلك على وصفة كانت عندى بتعملى فيها عجينة اللازانيا دى بقى اللى بتتسلق زى المكرونة .
أسفة مرة تانية على التأخير
Post a Comment