المقادير
كرات اللحم +
لحم مفروم
بصل مفروم
بقسماط
بيض
ملح ، فلفل ، جوز الطيب
الصلصة +
عصير طماطم
بصل مفروم
فصين ثوم
ملح ، فلفل ، زعتر ، رشة سكر
ملعقة صلصة
الطريقة
لعمل كرات اللحم : يخلط اللحم و البصل و التوابل و البقسماط و البيض ثم تكور كور بحجم عين الجمل ، تحمر فى سمن أو زيت من كل الإتجاهات
لعمل الصلصة : يحمر البصل مع الملح و الفلفل حتى يصبح شفاف ثم يضاف الثوم و يقلب . يضاف عصير الطماطم و الزعتر و رشة السكر و الصلصة و يترك حتى تتسبك ، بعد التسبيك تضاف كرات اللحم و نزود ماء لو إحتاجت . و تترك على نار هادئة حتى تمام النضج .
المكرونة : تسلق المكرونة و تصفى . و تقلب على النار فى زيت زيتون و فص ثوم .
تقدم المكرونة و فوقها صوص كرات اللحم و رشة جبنة حسب الرغبة
2 comments:
عزيزتي شيماء
بالراحة شوية معدتي صرخت رأيي بجد اعملي الحاجات دي وحشتري منك وأدوق ويبقى بيزنس ايه رأيك بجد
ولا انت مشغولة أو مش من اسكندرية :(
بجد والله
تصدقي بالله حروح أخبط وأعمل الكلام الكبير ده بس انتي مبتكتبيش مقادير يعني بيض بقسماط مش قايلة أد ايه
زي ماما كل حاجة تقولك بالنظر كده
تحياتي
و الله فكرت فى المشروع ده ن بس مش لاقيه زباين :) و أهو إنت أول زبونة بس مش هاعرف أوصلك الأكل . الحل إن إنت تنورينى فى القاهرة و أنا أعملك كل الأصناف
أنا عارفة إن موضوع إن مفيش مقادير دى حاجة رخمة بس مشكلتى إنى بطبخ بالبركة و بنسى أكتب المقادير . أوعدك إن شاء الله بعد كده أكتب .
بصى الوصفة ده ممكن أقولك مقادير تقريبية .
يعنى نص كيلو لحمة مفرومة ياخدلوه بصلة متوسطة صغيرة ، ملعقة كبيرة بقسماط ناعم و بيضة
لو حسيتى إنها لزجة قوى ممكن تحطى معلقة بقسماط تانية
و الكمية بتعمل كور كثير و ممكن كمان قبل ما تحمريه تعفريها بالدقيق .
أهم حاجة تسويها على نار هادية علشان تشرب من الصلصة لإنى إكتشفت إنها لما بتبات بتبقى أحلى
جربى و بجد لما تجربى حاجة قوليلى طلعت حلوة و لا لأ و إيه الوحش كده يعنى
Post a Comment