المقادير
2 كوب أرز
2 ملعقة كبيرة سكر
2 ملعقة سمن أو زبدة
ملعقة صغيرة قرفة
شوربة + ماء للتسوية
ملح حسب التذوق
لوز مسلوق و مقشر و مقطع أنصاف
زبيب
الطريقة
يوضع السكر على النار مع ملعقة ماء حتى يتحول إلى كراميل
يرفع من على النار و تضاف السمنة و الأرز و الملح و يعاد إلى النار و يقلب
تضاف القرفة و الشوربة و الماء و يقلب و يترك لينضج على نار هادئة
تحمر أنصاف اللوز ثم يضاف الزبيب و يحمر
يقدم الأرز يرش على الوش الخلطة
5 comments:
في مدونة اسمها مطبخ بيللا عاملة نفس الفكرة دي
هتلاقيها عندي عالريدر
لو تحبي تتصلي بيهم و تنضمي لفريق العمل انا ممكن اتوسط بينكم
و كل سنة و انتي طيبة
ازيك يا شيمو
امال اللي ماما بتعملو ا ايه ؟
هي بتحمر الرز في السمنة وبعدين تسويه بالماء وبعدين تضزوقه باللوز والبندق والزبيب
بس
خالتي بتعمل رز بسمتي بالجزر وحاجات تانية كده لو تعرفيه اكتبهولي
شكرا يا جميل
محمد ، هاشوف مطبخ بيلا و إن كان كده أنضم للفريق . علشان نرفع مستوى الطبيخ بتاعى
شكرًا على الزيارة مع إن الرد متأخر
L.G
منورانى يا جميلة ، كل سنة و إنت طيبة
بصى يا ستى ، الرز بالخلطة الأصلى بيتعمل بحاجة إسمها ديمجلاس اللحمة . و دى حاجة صعبة إن ست البيت تعملها بيعملوها فى المطاعم ، عبارة عن العضم محطوط فى صنية مع جزر و بصل و كرفس و تتساب فى الفرن لحد ما العضم يبقى لونه بنى و بعدين يتاخدوا على الحلة و يتسلقوا على نار هادية لحد ما الماء اللى إنت مغطياه به يقصر و يتحول لسائل مركز . السائل ده إسمه ديمجلاس اللحمة . و بيدخل كأساس فى حاجات كثيرة فى المطاعم و هو اللى بيدى الرز بالخلطة لونه و طعمه .
و طبعًا علشان الفيلم الطويل ده صعب يتعمل فى البيت ، فستات البيوت بيحاولوا يوصلوا للون البنى كل واحدة بطريقتها ، فى ناس بتحمرله بصلة و ناس بتحمر الرز و أنا بحب أعمله بالكراميل علشان السكر المحروق مع الشوربة بيديله طعم حلو و مزز فى نفس الوقت ، جربيه و قوليلى إيه رأيك
أه نسيت :) الرز البسمتى بالجزر . أنا بأعمل رز بسمتى بالخضار و اللحمة و رز بسمتى بالفراخ و الكارى و دقت مرة اللى بجزر و كركم ده بس مجربتش أعمله بس هو شكله كده فيه بصل و جرز و كركم و يمكن كارى . هاجرب و لو طلع زيه هاقولك و لو فشل ياريت تجيبى السر من خالتك :) و إن شاء الله هاكتب وصفة الأصناف التانية لإنها حلوةو جديدة فعلا خصوصًا الرز اللى بالفراخ و الكارى لإنه بيتسقى شوربة و عصير برتقال .
Post a Comment