المقادير
عرق لحمة
ثوم مفروم - حوالى رأس ثوم صغيرة ، كل ما نكثر الثوم كل لما يكون أحسن
بهارات
ملح و فلفل إسود
كوباية كبيرة عصير طماطم
عصير 5 ليمونات
ملعقة كبيرة سمنة
الطريقة
يلف العرق بالدوبارة
يهرس الثوم مع البهارات و الملح و الفلفل
نعمل فتحات فى عرق اللحمة و نحشيها بخلطو الثوم
ثم ندهن باقى الخليط على اللحم من الخارج
نحطها فى بايركس و نسقيها بعصير الطماطم و الليمون و نحط معاها معلقة السمن
و نغطيها و نسويها فى الفرن
تقدم مع أرز ، أبيض أو بالخلطة و خضار سوتيه
2 comments:
انا معجبة بالمدونة دي علي فكرة
وخاصة لو فيها حاجات تتعمل بس جديدة علي السفرة العادية بتاعتنا
زهقنا من الطبيخ
تحياتي
ميرسى يا كوشيا
ميين سمعك ، و الله بقالى ساعة بقنع نفسى إنى أقوم أطبخ و مش قادرة . نفسى أعيش كام يوم على السلطة أو أى حاجة مش محتاجة وقفة فى المطبخ ، الواحد خارج من رمضان كأنه لسة معدى المانش
هاحاول أكثر الحاجات الجديدة إن شاء الله و إنت لة عندك حاجة يا ريت تغششينى
Post a Comment