طريقة سهلة و لذيذة و مختلفة عن الطريقة التقليدية اللى بنسلق فيها الفراخ
المقادير
بطاطس حسب عدد الأفراد ، يعنى لكل فرد تقريبا 1.5 بطاطساية
فراخ - على حسب الكمية
بصل مفروم - طماطم مفرومة
ملح - فلفل - بهارات - فصين حبهان - ورقة لورا - رشة زعتر - عصير ليمون
الطريقة
تتبل الفراخ بالبصل و التوابل لمدة ساعتين على الأقل كأننا هانشويها و ممكن من بليل و ممكن لما تجيبوا الفراخ تغسلوها و تتبلوها و تشيلوها متبلة فى الفريزر لحين الإستعمال
تقشر البطاطس و تقطع شرائح
فى طبق الفرن نرص البطاطس و نرش فوقها الطماطم الفرومة أو عصير الطماطم و بعدين نحط الفراخ بالبصل بتاعها و نرش فوقها باقى الطماطم المفرومة أو العصير
و نلفها بالفويل ة نحطها فى الفرن حوالى ساعة و بعدين نفتح الغطاء و نسيبها نص ساعة بالكثير و ممكن بعد كده لو ماحمتش أوى نفتح عليها الشواية دقيقتين
و بالهنا و الشفا
2 comments:
والدتي بتعملها كده ما عدا الزعتي والليمون وبحبها الصراحة جدا
أنا بحب الزعتر قوى ، بيدى طعم حلو مع الفراخ و لو بتحبى الحاجة حامية يا سلام لو تقطعى شرائح فلفل مع صانية البطاطس
الليمون برضوا بحبه علشان كده كل أكلى مليان ليمون
:))
Post a Comment