Monday, April 6, 2009

شوربة العدس

شوربة العدس من الشوربات التقليدية المصرية و حاجة من الحاجات اللى محدش علمهالى . بالتجربة و الخطأ وصلت للطريقة دى و كل اللى يدوقها يحبها جدًا


المقادير :

نصف كيلو عدس أصفر مغسول و منقوع
1 طماطم كبيرة
1 بصلة كبيرة
1 جزرة كبيرة 
4 فصوص ثوم كبار
مكعب مرقة دجاج ، أو مقدار من شوربة اللحم حسب الرغبة
ملعقة كبيرة صلصة
ملح ، فلفل ، كمون ، كسبرة 

الطريقة :

يسلق العدس في ماء مغلي  مع البصلة و الطماطم و الجزر و فصين ثوم . مع إضافة الملح و الفلفل و الكمون حسب الرغبة .
بعد تمام نضج العدس يضرب الخليط في الخلاط  . 
ندق فصين الثوم المتبقيين مع ملح و كسبرة و يحمروا في طاسة مع قليل من السمن . تضاف ملعقة الصلصة و مكعب المرقة للثوم قبل تغير لونه و يقلب ثم يضاف الخليط إلي العدس .
نضيف مياه أو شوربة للعدس للوصول به للقوام المطلوب .

ممكن تقديمه مع مكعبات العيش المحمص 



ملحوظة ، مع كل مرحلة ندوق علشان نضبط الملح و التوابل

8 comments:

kochia said...

انا بحبها اوي
ساعات كمان بحط عليها نصف ثمرة كوسة
ونصف ثمرة بطاطس
برده بيكون طعمها جميل
وفتة بقي وكدة

تحياتي

mony said...

ياسلام في الشتا بتفع اويييييييي

بس انا مش بحب التوم خالص فمبحطوش خالص


ممكن لو هعمل فتة بس استخدم التوم علي الوش كتقلية

Shimaa Gamal said...

كوشيا ، أنا ساعات بحط معاه بطاطس فعلاً بس مش دائما و هاجرب أحط كوسة . أصل كل الخضار بيديله فائدة أكثر .
منورانى دائمًا

Shimaa Gamal said...

أنا يا مونى تقريبًا فى الشتاء بعمل كل يوم شوربة عدس :) بس أنا بحب الثوم جدًا :) علشان كده كل الأكل بتاعى مليان ثوم

إنت مختفية ليه بقى ؟؟

yomna said...

عجبتني الوصفه جدا
شكلك طباخه شاطره يا جمييييييل
تسلم ايدك :)

Shimaa Gamal said...

لا شاطرة و لا حاجة يا يمنى أدينا بنحاول :) جربى شوربة العدس بقى و قوليلى
مع إن الجو بقى حر و مش بتاع عدس خالص .

نورتينى

Food Lover said...

تسلم الأيادي، شوربة العدس من الأكلات المفضلة لي جداً

Shimaa Gamal said...

Food Lover

ألف شكر

أهو الشتا داخل و فرصة نشبع شوربة عدس

:)